Charter Document - 07300263
| Charter Number: | 07300263 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Gregorius episcopus servus servorum Dei dilectis filijs abbati et conventui de Driburgh Premonstratensis ordinis salutem et apostolicam benedictionem Justis petentium desiderijs dignum est nos facilem prebere consensum et vota que a rationis tramite non discordant effectu prosequente complere Ea propter dilecti in Domino filij vestris justis postulacionibus grato concurrentes assensu decimas molendinorum de valle de Lauder quas de concessione bone memorie Roberti Ricardi et Willelmi episcoporum sancti Andree loci dioecesanorum eorum capituli accedente consensu canonice proponitis vos adeptos sicut eas juste ac pacifice possidetis et in eorundem literis exinde confectis dicitur plenius contineri vobis et per vos monasterio vestro auctoritate apostolica confirmamus et presentis scripti patrocinio com munimus Nulli ergo hominum liceat hanc paginam nostre concessionis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Parusij iij kalendas Maij pontificatus nostri anno tertio