Charter Document - 07300261
| Charter Number: | 07300261 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus servus servorum Dei venerabilibus fratribus universis archiepiscopis ad quos litere iste pervenerint salutem et apostolicam benedictionem Dilecti filij abbas Premonstratensis ac alij abbates ordinis sui coram nobis exponere curaverunt quod cum canonici ejusdem ordinis commorantes in parochialibus ecclesijs ad ipsos spectantibus aliquo casu delinquunt ita quod expediret eos ad claustrum suum recepturos disciplinam ordinis revocari quidam vestrum indignum favorem impendentes eisdem ipsos retinere conantur in locis in quibus nequeunt absque scandalo et ecclesiarum ipsarum dispendio commorari Ad hec cum in eorum aliquos propter suos excessus excommunicationis sentenciam promulgatis relaxare non vultis eandem nisi pena pecuniaria precedente ideoque universitatem vestram rogandam duximus et monendam per apostolica vobis scripta man damus quatinus cum dicti abbates tales ad claustrum propter scandalum et ecclesiarum dispendium evitandum seu eciam pro disciplina monastica circa delinquentes hujusmodi exercenda duxerint revocandos non obsistitis eisdem nec illis favorem indebitum impendatis sed instituentes prout ad vos pertinet [] ecclesijs alios vobis presentatos ab ipsis delinquentes revocari ad claustrum libere permittatis disciplinam ordinis recepturos ne aliter faciendo tribuatis eis audienciam detractandi obedientie jugum et ipsorum abbatis potestatem quodammodo enervatis illud autem districtius inhibemus ne pro relaxandis excommunicationis sentencijs promulgatis in ipsos penam pecuniariam exigatis cum nec habeant proprium nec illorum culpa debeat in ecclesie sue dispendium redundare Datum Lugduni x kalendas Aprilis pontificatus nostri anno tertio