Charter Document - 07300260
| Charter Number: | 07300260 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocencius episcopus servus servorum Dei dilectis filijs abbati et conventui monasterij de Driburgh Premonstratensis ordinis sancti Andree dioecesis salutem et apostolicam benedictionem Paci et tranquillitati vestre ac monasterij vestri paterna volentes in posterum sollicitudine providere auctoritate vobis presentium indulgemus ut ad receptionem vel provisionem alicujus in pensionibus seu alijs ecclesiasticis beneficijs compelli auctoritate sedis apostolice vel legatorum ipsius minime valeatis absque speciali mandato sedis ejusdem faciente de hac indulgencia mentionem Nulli ergo hominum liceat hanc paginam nostre confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Lugdon xii kalendas Aprilis pontificatus nostri anno tertio