Charter Document - 07300257
| Charter Number: | 07300257 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1229 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Gregorius episcopus servus servorum Dei dilectis filijs abbati et conventui de Driburgh Premonstratensis ordinis salutem et apostolicam benedictionem Sacrosancta Romana ecclesia devotos et humiles filios ex assuete pietatis officio propensius diligere consuevit et ne pravorum hominum molestijs agitentur eos tanquam pia mater sue protectionis munimine confovere Ea propter dilecti in Domino filij vestris justis postulacionibus grato con currentes assensu personas vestras et locum in quo divino estis obsequio mancipati cum omnibus bonis que inpresenciarum rationabiliter possidetis aut in futurum justis modis prestante Domino poteritis adipisci sub beati Petri et nostra protectione suscipimus specialiter autem de Mertoun de Childinchirch de Saultoun de Kilrethny de Lanerk de Leffedewyn de Sowrby ecclesias a venerabilibus fratribus nostris scilicet sancti Andree Glasguensis Candidecase episcopis capitulorum ipsorum antecedente consensu pia vobis liberalitate concessas infulam quoque de Elbotyll cum pertinencijs suis necnon terras pascua nemora possessiones et alia bona vestra sicut ea omnia juste ac pacifice possidetis et in eorundem literis plenius dicitur contineri vobis et per vos ecclesie vestre auctoritate apostolica confirmamus et presentis scripti patrocinio communimus Nulli ergo hominum liceat hanc paginam nostre protectionis et confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Parusij vii kalendas Maij pontificatus nostri anno tertio