Charter Document - 07300255

Alexander episcopus servus servorum Dei dilectis filijs Rogero abbati et fratribus ecclesie sancte Marie de Driburgh salutem et apostolicam benedictionem Justis petentium desiderijs dignum est nos facilem prebere consensum et vota que a rationis tramite non discordant effectu sunt prosequente complenda Ea propter dilecti in Domino filij vestris justis postulationibus grato concurrentes assensu ecclesiam sancti Cuthberti de Childinchirch decimam molendinorum de Lauder et de Saultoun ex dono David Olifard duas bovatas terre in Smalham devocioni vestre et per vos ecclesie vestre auctoritate apostolica confirmamus et presentis scripti patrocinio communimus Presenti quoque capitulo sancimus ut quando commune interdictum terre fuerit liceat vobis exclusis excommunicatis et interdictis clausis januis non pulsatis campanis suppressa voce divina officia celebrare Prohibemus etiam ut infra ambitum domorum grangiarum vestrarum et ecclesie in qua Domino deservitis hominem capere rapinam seu violenciam exercere nullus presumat Nulli ergo hominum liceat hanc paginam nostre confirmationis infringere vel ei ali quatinus contraire si quis autem hoc attemptare presumpserit indignacionem omnipotentis Dei et beatorum Petri et Pauli apostolorum ejus se noverit incursurum Datum Turon viiij kalendas Decembris