Charter Document - 07300250
| Charter Number: | 07300250 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1196 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Celestinus episcopus servus servorum Dei dilectis filijs Alano abbati et fratribus de Driburgh salutem et apostolicam benedictionem Justis petentium desiderijs dignum est nos facilem prebere consensum et vota que a tramite rationis non discordant effectu prosequente complere Ea propter dilecti filij in Domino vestris justis postulationibus grato concurrentes assensu ecclesiam de Lessedewyn et ecclesiam de Mertoun ecclesiam de Childinchirch ecclesiam de Saultoun ecclesiam de Lanerk ecclesiam de Kilrethny ecclesiam de Askeby ecclesiam de Bosietha grangiam de Cadesleya hospitale de Innerkethyn cum pertinencijs suis ex dono regis Scottorum redditum viginti solidorum in Rogesburgh Langelaw cum pertinencijs terram que dicitur Saltum Delwyn dimidiam carucatam terre in Petcorthyn duas bovatas terre cum pertinentijs suis in Ercildoun toftum unum in Abirleuedy toftum unum in Karele toftum unum et croftum unum in Paduenan unam salinum in marisco de Burth decimas molendinorum de Newtona et de Brokismuth duas bovatas terre in Giffyn rationabiliter ecclesie vestre concessa sicut ea omnia juste et pacifice possidetis vobis et per vos ecclesie vestre auctoritate apostolica confirmamus et presentis scripti patrocinio communimus Nihilominus etiam religionis et devocionis vestre fervore benignius provocati vobis auctoritate apostolica indulgemus ut vobis in eisdem ecclesijs liceat quatuor aut tres de fratribus vestris sine contradictione qualibet instituere quorum unus ceteris preponatur ut de manu dioecesani episcopi curam suscipiat animarum sicut hactenus est servatum Preterea auctoritate presentium inhibemus ne cui liceat vos vel ecclesias vestras absque justa et manifesta causa gravare libertates quoque et immunitates legitime ecclesie vestre concessas et hactenus observatas presenti vobis pagina confirmamus et presentis scripti patrocinio communimus Decerni mus ergo ut nulli omnino hominum liceat personas ecclesias et alia bona vestra temere perturbare seu hanc nostre paginam confirmationis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum se noverit incursurum Datum Lateran idibus Marcij pontificatus nostri anno quinto