Charter Document - 07300248
| Charter Number: | 07300248 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1248 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocencius episcopus servus servorum Dei dilectis filijs abbati et conventui de Driburgh Premonstratensis ordinis sancti Andree dioecesis salutem et apostolicam benedictionem Devocionis vestre precibus inclinati auctoritate vobis presentium indulgemus ut cum abbatem Premonstratensem pro toto Premonstratensi ordine aliquod subsidium prestare contigerit dummodo contribuatis cum eodem ordine compelli ad tribuendum in hujusmodi non possitis absque mandato sedis apostolice speciali faciente plenam de hac indulgencia mentionem Nulli ergo hominum liceat hanc paginam nostre concessionis infringere vel ei ausu temerario contraire si quis autem hoc attemptare presumpserit indignacionem omnipotentis Dei et beatorum Petri et Pauli apostolorum ejus se noverit incursurum Datum Lugduni v kalendas Decembris pontificatus nostri anno sexto