Charter Document - 07300246
| Charter Number: | 07300246 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1246 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius episcopus servus servorum Dei dilecto filio abbati monasterij de Driburgh Premonstratensis ordinis sancti Andree dioecesis salutem et apostolicam benedictionem Apostolice sedis benignitas sincere obsequium vota fidelium favore benevolo prosequi consuevit et illorum personas quas in sua devotione promptas invenerit et ferventes quibusdam titulis decentius decorare ut igitur ex speciali devotione quam ad nos et Romanam ecclesiam habere dinosceris favorem apostolicum tibi sentias non modicum accrevisse auctoritate presentium indulgemus ut nullus delegatus vel subdelegatus executor aut etiam conservator auctoritate sedis apostolice vel delegatorum ipsius in personam tuam excommunicationis suspencionis vel interdicti sentencias promulgare aut interdicere tibi ingressum ecclesie valeat absque speciali mandato sedis ejusdem faciente de hac indulgencia mentionem Nulli ergo omnino hominum liceat hanc paginam nostre concessionis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Lugduni xii kalendas Aprilis pontificatus nostri anno tertio