Charter Document - 07300244

Innocentius episcopus servus servorum Dei dilectis filijs abbati Premonstratensi [] abbatibus et canonicis Premonstratensis ordinis tam presentibus quam futuris regularem vitam professis In eminenti sedis apostolice specula licet immeriti disponente Domino constituti pro singulorum statu soliciti esse compellimur et ea sincere tenemur amplecti que ad incrementum religionis pertinent et ad virtutum spectant ornatum quatinus religiosorum quies ab omni fit perturbatione secura et a jugo mundane oppressionis servetur illesa cum apostolica fuerit tuicione munita attendentes itaque quo modo religio et ordo vester multa refulgens gloria meritorum et gratia redolens sanctitatis palmites suos a mari usque ad mare extenderit ipsum ordinem et universas domus ejusdem ordinis apostolice protectionis presidio duximus confovendam et presenti priviligio muniendas ea propter dilecti in Domino filij vestris justis postulationibus benignius annuentes ad exemplar felicis recordationis Alexandri Lucij Urbani Clementis et Innocentij predecessorum nostrorum Romanorum pontificum universas regulares institutiones et dispositiones quas de omnium consensu vel majoris et sanioris partis fecistis sicut inferius denotantur auctoritate apostolica roboramus et presentis scripti priviligio communimus videlicet ut ordo canonicus quem admodum in Premonstratensi ecclesia secundum beati Augustini regulam et dispositionem recolende memorie Norberti quondam Premonstratensis ordinis institutoris et successorum suorum in candido habitu institutus esse dinoscitur et [per] omnes ejusdem ordinis ecclesias perpetuis temporibus inviolabiliter observetur et eedem penitus observancie ijdem quoque libri qui ad divinum officium pertinent ab omnibus ejusdem ordinis [ecclesijs] uniformiter teneantur nec aliqua ecclesia vel persona ordinis vestri adversus communia ipsius ordinis instituta privilegium aliquod postulare vel optentum audeat quomodo libet retinere Nulla etiam ecclesiarum ei quam genuit quamlibet terreni commodi exactionem imponat sed tantum Pater Abbas curam de profectu tam filij abbatis quam fratrum domus illius habeat et potestatem habeat secundum ordinem corrigendi que in ea noverit corrigenda et illi ei tanquam patri reverenciam filialem humiliter exhibeant et devote abbas autem Premonstratensis ecclesie que mater esse dinoscitur aliarum non solum in hijs ecclesijs quas instituit sed eciam in omnibus alijs ejusdem ordinis et dignitatem et officium patris optineat et ei ab omnibus tam abbatibus quam fratribus debita patri obediencia impendatur Preterea omnes abbates ordinis vestri singulis annis ad generale capitulum Premonstratense postposita omni actione [occasione] conveniant illis solis exceptis quos a labore vie corporis retardaverit infirmitas qui tamen ydoneum pro se delegare debent nuncium per quem necessitas et causa remorationis sue capitulo valeant nunciari Hi autem in [remotioribus] partibus habitantes [qui] sine gravi difficultate singulis annis se nequiverint capitulo presentare in eo termino conveniant qui in ipso eis capitulo fuerit constitutus si vero quilibet abbatum vel prepositorum per contumaciam vestrum capitulum frequentare desierint liceat abbati Premonstratensi consilio sui capituli eos usque ad condignam satisfactionem sentencia percellere regulari et sentenciam quam prefatus Premonstratensis abbas sive in generali capitulo sive extra capitulum consilio [co]abbatum in prefatos et subditos totius ordinis vestri canonice tulit nulli archiepiscoporum seu episcoporum nisi forte de mandato Romani pontificis liceat relaxare In generali igitur vestro capitulo presidente abbate Premonstratensi ceterisque confidentibus et in spiritu Dei cooperantibus de hijs que ad edificationem animarum ad instructionem morum et ad informationem virtutum atque incrementum regularis discipline spectabunt sermo diligens habeatur Porro de omnibus questionibus et querelis tam spiritualibus quam temporalibus que in ipso capitulo proposite fuerint illud teneatur irrefragabiliter et servetur quod abbas Premonstratensis cum hijs qui sanioris consilij et magis ydonei apparuerint juste ac provide judicabunt sane si abbas aliquis vestri ordinis infamis vel inutilis aut ordinis sui prevaricator inventus fuerit et prius per Patrem suum abbatem aut per nuncios ejus ammonitus suum corrigere et emendare delictum neglexerit aut cedere si amovendus fuerit sponte noluerit auctoritate generalis capituli deponatur et depositus sine dilacione ad domum unde exivit seu ad aliam ejusdem ordinis quam elegerit sine ulla conditione temporalis commodi revertatur in obediencia abbatis sicut ceteri fratres ipsius domus firmiter permansurus Id ipsum etiam alio tempore si necesse fuerit et capitulum sine scandalo vel periculo expectari nequiverit per abbatem Premonstratensem et Patrem abbatem et alios quos vocaverit fieri licebit Quod si depositus in se date sentencie contumaciter contraire temptaverit tam ipse quam principales ejus qui de ordine vestro fuerint in sua contumacia fautores ab abbate Premonstratensi et ceteris abbatibus censura ecclesiastica donec satisfaciant arceantur verum cum aliqua ecclesiarum vestrarum abbate proprio fuerit destituta vel cum abbatis electio regulariter non fuerit celebrata sub Patris abbatis potestate et dispositione consistat et cum ejusdem consilio qui eligendus fuerit a canonicis eligatur electo autem fratres ecclesie statim obedienciam promittant Qui non quasi absolutus a potestate Patris abbatis vel ordinis sui archiepiscopo vel episcopo in cujus dioecesi fuerit presentetur plenitudinem ab eo officij percepturus ita tamen quod post factam archiepiscopo vel episcopo suo professionem occasione illa non transgrediatur constitutiones ordinis sui nec in aliquo ejus prevaricator existat si quis etiam ex vobis canonice electus in abbatem dioecesano episcopo femel et iterum per abbates vestri ordinis presentatus benedictionem ab eo non poterit optinere ne ecclesia ad quam vocatus est destituta consilio periclitetur officio et loco abbatis plenaria secundum ordinem fungatur in ea tam in exterioribus providendis quam in interioribus corrigendis donec aut interventu generalis capituli vestri aut ex precepto Romani pontificis seu metropolitani benedictionem optineat Porro nulla persona ecclesiastica pro crismate aut consecrationibus et ordinationibus aut pro sepultura precium aut [pro] benedicendo abbate et deducendo in sedem suam palafridum aut aliquod aliud a vobis exigere nullus etiam vestrum [si] exigatur dare presumat quia et exigentem et dantem nota et periculo symoniache pravitatis involvit ceterum si aliqua ecclesiarum vestrarum pastoris solacio destituta inter fratres de substituendo abbate discordia fuerit vel suborta scissura et ipsi facile ad concordiam vel unitatem revocari nequiverint Pater abbas consilio coabbatum suorum eis ydoneam providerit personam et illi etiam eam sine contradictione recipiant in abbatem quam si recipere contempserint sentencie subjaceant quam Pater abbas cum consilio coabbatum suorum in eos duxerit auctoritate ordinis promulgandam Ad hoc quum et Premonstratensis ecclesia prima mater est omnium ecclesiarum totius ordinis et patrem sub [super] se alium non habet sicut ad cautelam et custodiam ordinis statutum est per tres primos abbates Laudunensem Floressiensem et Cusiacensem annua ibidem visitatio fiet et si quid in ipsa domo corrigendum fuerit absque majori per eos audiencia corrigatur Quod si abbas in corrigendo tepidus et fratres sepius moniti incorrigibiles permanserint ad generale capitulum referatur et sicut melius visum fuerit consilio generali emendetur et sentencia in hac parte capituli sine retractione aliqua observetur Quociens vero ecclesia Premonstratensis sine abbate fuerit ad prefatos tres abbates ejus cum respiciat et a canonicis ipsius ecclesie sine [cum] eorum consilio persona in abbatem ydonea eligatur ad consilium suum quatuor alijs abbatibus ad eandem ecclesiam pertinentibus pariter advocatis quos ipsi canonici providerint advocandos liceat quoque uni cuique matrici ecclesie ordinis vestri cum consilio abbatis Premonstratensis de abbatibus ecclesiarum que ab ea processisse noscuntur sive etiam de alia ejusdem ordinis inferiore ecclesia sibi quemcunque voluerint si tamen ydoneus exstiterit in abbatem assumere personam autem de alio ordine nulla ecclesiarum vestrarum sibi eligat in abbatem nec vestri ordinis aliqua in abbatem monasterij alterius ordinis nisi de auctoritate Romane ecclesie ordinetur Nulli etiam canonicos vel conversos vestros sine licencia abbatum recipere aut susceptos liceat retinere sane nulli ecclesie vestri ordinis liceat ad aliquam aliam professionem temeritate qualibet se transferre si que vero ecclesie canonicorum alterius ordinis ad ordinem vestrum venerint ad ecclesiam vestri ordinis habeant sine refragatione respectum in qua vestrum noscuntur ordinem assumpsisse Preterea si inter aliquas ecclesias vestri ordinis de temporalibus questio emerserit non extra ordinem ecclesiastica vel secularis audiencia requiratur sed mediante Premonstratensi abbate et ceteris quos vocaverit aut caritative inter eos com ponatur aut auditis utrinque rationibus eadem contraversia justo judicio terminetur Ad majorem quoque ordinis vestri pacem conservandam districtius prohibemus ne aliquis prelatorum vel subditorum vestrorum in hijs que ad disciplinam et instituta ordinis spectant audeat prout statutum est in Lateranensi consilio appellare sed et si quisquam appellare temptaverit nihilominus illi quorum interest regularem disciplinam exercere debebunt de cetero quoniam a strepitu et tumultu secularium remoti quietem et pacem diligitis grangias vestras et curtes sicut et atria ecclesiarum a pravorum incursu et violentia liberas fore sancimus prohibentes ut nullus ibi hominem capere spoliare verberare seu interficere aut furtum audeat vel rapinam committere ob evitandas vero secularium virorum frequentias liberum fit vobis salvo jure dioecesanorum episcoporum oratoria in grangijs [et] curtibus vestris construere et in ipsis vobis et familie vestre divina officia cum necesse fuerit celebrare et ipsam familiam nisi aliqui sint qui in vicinia habeant propria domicilia ad confessionem communionem et sepulturam cum vestri ordinis suscipere honestate liceat quoque vobis personas liberas et absolutas e seculo fugientes ad conversionem recipere et eas cum rebus suis absque contradictione aliqua retinere Infirmos quoque absolutos qui in extrema voluntate ad vos se transferre aut apud vos sepeliri deliberaverint nullus impedire seu res eorum legitimas detinere presumat salva tamen heredum legitima portione et canonica justicia illarum ecclesiarum a quibus mortuorum corpora assumuntur Ad majorem etiam ordinis vestri reverenciam et regularis discipline observanciam vobis filij abbates subjectos vestros ligandi et solvendi plenam concedimus facultatem Quia vero singula que ad religionis profectum et animarum salutem ordinastis presenti abbreviacione nequiverunt annecti nos cum hijs que prescripta sunt consuetudines vestras quas inter vos religionis intuitu regulariter statuistis et deinceps auctore Domino statuetis auctoritate apostolica roboramus et vobis vestrifque successoribus et omnibus qui ordinem vestrum professi fuerint perpetuis temporibus inviolabiliter decernimus observandas nec alique litere habeant firmitatem que tacito nomine Premonstratensis ordinis contra libertates vobis ab apostolica sede indultas fuerint impetrate sane laborum vestrorum de possessionibus habitis ante consilium generale ac etiam novalium que proprijs manibus aut sumptibus colitis de quibus aliquis hactenus non perceperit sive de ortis et virgultis et piscationibus vestris vel de nutrimentis animalium vestrorum nullus a vobis decimas exigere vel extorquere presumat Interdicimus vero episcopis et alijs ecclesiarum prelatis nisi servato evectionis numero in Lateranensi consilio constituto in vestris monasterijs hospitari ad grangias autem vestras et ad curtes hospitandi gracia non nisi in magna necessitate divertant et tunc contenti sint ipsarum mansionum cibarijs consuetis cum honestate atque caritate exhibitis nulli autem seculari persone vel ecclesiastice in aliqua domorum vestrarum liceat carnibus vesci nisi manifeste egritudinis gratia et hoc in solis monasterijs vestris conventualibus Prohibemus insuper ne aliqua persona fratres ordinis vestri audeat ad secularia judicia provocare sed si quis adversus eos aliquod sibi crediderit de jure competere sub ecclesiastici examine judicij experiendi habeat facultatem Licitum preterea vobis sit in causis vestris fratres vestros ydoneos ad testimonium adducere et eorum testimonio sicut rectum fuerit et propulsare violenciam et justiciam vendicare Prohibemus quoque ne cuilibet ecclesiastice vel seculari persone fas sit in ecclesijs vestris contra statuta Lateranensis confilij tallias exercere vel quasque alias vobis ineptas et iniquas exactiones imponere Interdicimus etiam vobis ne feras aves canes sive cetera hujusmodi curiositatis animalia a quolibet ad nutriendum sive custodiendum in detractionem vestri ordinis suscipere presumatis Porro ut quietius Deo servire possitis et discurrendi a vobis necessitas auferatur presenti scripto duximus indulgendum ut si episcopis vestris aut maliciose differentibus vel pro justo impedimento non valentibus ordinationes et cetera ecclesiastica ministeria vobis conferre aliquem episcopum de cujus ordinatione et officio plena sit vobis noticia hospitem vobis habere contigerit liberum fit vobis ab eo et ordinationes et cetera sacramenta suscipere dum tamen prejudicium dioecesano episcopo non debeat generare Preterea postulationi vestre clementius inclinati presenti pagina duximus inhibendum ne quis archiepiscopus vel episcopus aut eorum officiales ecclesias vestras seu regulares personas earum absque manifesta et racionabili causa interdicere seu suspendere presumat sed si quid in eis fuerit corrigendum ad audienciam generalis capituli Premonstratensis referatur et ibi prout justicie et honestati congruerit emendetur Porro si qui episcopi aut eorum officiales in personas vestras vel ecclesias sentenciam aliquam contra libertatem eisdem a predecessoribus nostris vel a nobis indultam promulgaverint eandem sentenciam tanquam contra apostolice sedis indultam prolatam statuimus irritandam decernimus igitur ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum pro quorum gubernatione aut sustentatione concessa sunt usibus omnimodis profutura salva sedis apostolice auctoritate si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi reatum suum digna satisfactione correxerit potestatis honorisque sui careat dignitate reamque se domino judicio exigere [divino judicio existere] de perpetrata iniquitate cognoscat et a sacratissimo corpore et sanguine Dei et domini Redemptoris nostri Jesu Christi aliena fiat atque in extremo examine districte subjaceat ulcioni Cunctis autem eidem loco sua jura servantibus sit pax Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Datum Lugduni per manum magistri Marini Romane ecclesie vicecanselarij quinto nonas Maij indictionis quarte incarnacionis Dominice anno MCCXLVI pontificatus vero domini Innocentij iiij anno tertio