Charter Document - 07300243
| Charter Number: | 07300243 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1293 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Willelmus permissione divina sancti Andree episcopus dilectis sibi in Christo decanis de Merskis et de Hadingtoun salutem cum benedictione divina Noveritis quod cum religiosi viri abbas et conventus de Driburgh nobis de procurationibus auxilijs et synodalibus ab ecclesijs eorundem in decanatibus vestris existentibus de quibus estis onerati in compotis vestris usque ad confectionem presentium nobis debitis plenaria satisfecerint et iidem abbas et conventus per cartas eorundem nobis ostenderunt quod ecclesia de Golyn in quatuor marcis nomine procurationis nostre et quatuor marcis nomine canonicorum annuatim nobis tenetur Quare volo et cuilibet vestrum in virtute obediencie mandamus firmiter injungentes quatinus sequestrum per vos factum ratione promissionis in bonis dictarum ecclesiarum [quod in hijs scriptis relaxamus relaxatum denunciantes] et pecuniam a dictis ecclesijs nobis debitam in qua estis onerati in proximis compotis vestris vobis plenaria faciemus al locare dictos abbatem et conventum in ecclesia de Golyn nomine pensionis ab eadem petite minime gravantes quia eisdem tenore carte ecclesie de Golyn ad recipiendum quatuor marcas nomine procurationis et quatuor marcas nomine canonicorum a dicta ecclesia annuatim debitas concessimus Quare volumus quod a dicta ecclesia nullam aliam pensionem quam pecuniam predictam de cetero exigatis vel levetis Datum apud Driburgh in crastino beati Bartholomei apostoli anno gracie millesimo ducentesimo nonagesimo tertio