Charter Document - 07300242
| Charter Number: | 07300242 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1230 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander rex Scotie episcopis abbatibus comitibus baronibus justiciarijs vicecomitibus prepositis ministris et omnibus probis hominibus totius terre sue salutem Sciant tam posteri quam presentes nos concessisse et hac carta nostra confirmasse Deo et ecclesie sancte Marie de Driburgh et canonicis ibidem Deo servientibus omnes donationes et possessiones et libertates que eis temporibus David regis proavi nostri et Malcolmi regis avunculi nostri et domini Willelmi regis patris nostri concesse sunt et confirmate in primis ex dono David regis ecclesiam de [Lanerk] cum terris et decimis et omnibus rebus juste ad illam pertinentibus et capellam de Padynnan et in eadem villa terram illam quam Nycholaus clericus tempore David regis tenuit iisdem terminis et divisis et landam totam que vocatur Caddesley et quietanciam de teloneo quantum ad propria catalla sua per totam terram nostram confirmamus etiam eis illud toftum quod fuit Johannis sacerdotis in Rogesburgh ex dono Malcolmi regis duas marcas in Edinham singulis annis et dimidiam carucatam terre in eadem villa et terram illam que vicina est muro juxta portam occidentalem de Rogesburgh ex dono Hugonis de Morevilla ecclesiam de Myrtoun et ecclesiam de Childinchirch et piscationes de Berwic et decimas molendinorum de Lauder et de Sawltoun ex dono Beatricis de Bello campo ecclesiam de Bosieta et terram in Rogesburgh emit de Rogero janitore et decimas molendini de Nathynthirn ex quam dono Rogeri Bertram decimam molendini de Neutoun ex dono David Olyfard unam plenarium carucatam terre in Smalham ex dono Walteri de Lyndesay terram juxta Caddesley quam carta ejusdem Willelmi eis confirmat ex dono Galfrido de Percy duas bovatas terre in Hetoun ex dono domini Willelmi regis patris mei viginti solidos de firma burgi nostri de Rogesburg ex dono Roberti de Londonijs ecclesiam de Lessedewyn cum pertinentijs suis ex dono Adam comitisse ecclesiam de Kilrethny cum pertinentijs et dimidiam carucatam terre in Petcorthin cum communi pastura et unum plenum toftum in burgo de Karal ex dono Alexandri de sancto Martino terram que vocatur Langelaw per suas divisas ex dono Walteri filij Alani landam que vocatur Herdesley Volumus itaque et precipimus ut predicti canonici predictas donationes possessiones et libertates ita libere quiete plenaria et honorifice teneant et possideant sicut carte antecessorum nostrorum regum Scotie et aliorum donatorum eis inde facte juste testantur et confirmant salvo servicio nostro si quid nobis de predictis terris debetur Testibus [] Apud Jeddeword decimo die Junij anno regni domini regis xvi