Charter Document - 07300241
| Charter Number: | 07300241 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1173 - 1214 |
| Date type: | Assigned |
| Resource Link(s): |
People of Medieval Scotland |
Charter:
Willelmus rex Scotie episcopis abbatibus comitibus baronibus justiciarijs vicecomitibus prepositis ministris et omnibus probis hominibus totius terre sue salutem Sciant tam posteri quam presentes me concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus omnes donationes et possessiones et libertates que eis temporibus David regis avi mei et Malcolmi regis fratris mei concesse sunt et confirmate In primis ex dono David regis avi mei ecclesiam de Lanerk cum terra ad eandem pertinente et capellam de Paduynnan et in eadem villa terram illam quam Nycholaus clericus meus tempore David regis avi mei tenuit iisdem terminis et divisis et landam totam que vocatur Caddisleya sicut nemore accingitur cum pascuis infra forestam meam circumquaque et licenciam accipiendi in nemoribus meis ea que necessaria fuerint usibus suis et edificijs et quietanciam de teloneo quantum ad propria catalla sua per totam terram meam confirmo etiam eis illud toftum quod fuit Johannis sacerdotis in Rogesburgh ex dono Malcolmi regis duas marcas in Edinham singulis annis et dimidiam carucatam terre in eadem villa et terram illam que vicina est muro juxta portam occidentalem de Rogesburgh ex dono Hugonis de Morevilla ecclesiam de Myrtoun et ecclesiam de Childinchirch et piscationes de Berwic et decimam molendinorum de Lauder et de Saultoun ex dono Beatricis de Bello campo ecclesiam de Bosyet et terram in Rogesburgh quam emit de Rogero janitore et decimam molendini de Nathanthirn ex dono Ricardi de Morevilla ecclesiam de Saultoun ex dono R Bartram decimam molendini de Newthoun ex dono David Olifard unam plenarium carucatam terre in Smalham ex dono Galfridi de Percy duas bovatas terre in Hetoun Volo itaque et firmiter precipio ut predicti canonici tenuras predictas et libertates ita libere et quiete et honorifice perpetuo teneant et possideant sicut aliqua [domus] religiosa in tota terra mea liberius et quietius et honorificentius tenet et possidet Testibus []