Charter Document - 07300240

Malcolmus rex Scotie episcopis abbatibus comitibus baronibus justiciarijs vicecomitibus prepositis ministris et omnibus probis hominibus totius terre sue clericis et laicis Francis et Anglicis salutem Sciant tam posteri quam presentes me concessisse et hac mea carta confirmasse donaciones quas Hugo de Morevilla et Beatrix de Bello campo Deo et ecclesie sancte Marie de Driburgh et canonicis ibidem Deo servientibus dederunt et concesserunt scilicet ipsam Driburgh et terras et aquas ei adjacentes et ecclesias terre sue sicut carta eorum testatur et carta avi mei regis David confirmat Preterea confirmo eis omnes donationes quas avus meus et pater meus predicte ecclesie in liberam elemosinam dederunt et concesserunt scilicet ecclesiam de Lanerk cum terra et omnibus rebus ei juste pertinentibus et capellam de Paduynnan et in eadem villa illam terram quam Nycholaus clericus de avo meo tenuit et Syrand sacerdos ante eum et landam de Caddesley cum pascuis ibi circumquaque in foresta mea quam avus meus eis pro anima patris mei dedit et confirmavit et ex dono patris mei illud toftum quod fuit Johannis capellani extra murum porte occidentalis de Rogesburgh ita liberum et quietum sicut carta ejus eis confirmat Confirmo etiam eis donationes quas Beatrix de Bello campo eis fecit de terris suis quas emit de Rogero janitore et de ecclesia de Bossyetha sicut carta ejus testatur et terram juxta Cadesley quam carta Walteri de Lyndesay eis confirmat Concedo preterea et hac carta eis confirmo licenciam accipiendi in nemoribus meis ea que necessaria eis fuerint usibus suis et edificijs ita ut nullus eos injuste disturbet et ut liberi sint in omni regno meo de teloneo et omni seculari exactione et consuetudine quantum ad propria catalla sua sicut carta avi mei eis concedit Volo itaque et precipio ut predicti fratres ita libere et quiete et honorifice possessiones istas et donationes et libertates habeant in perpetuo et teneant sicut aliqua ecclesia in regno meo liberius et melius tenet Testibus []