Charter Document - 07300237
| Charter Number: | 07300237 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1209 - 1211 |
| Date type: | Assigned |
| Resource Link(s): |
People of Medieval Scotland |
Charter:
Willelmus permissione divina ecclesie sancti Andree minister humilis universis sancte [] eternam in Domino salutem Cum ea que ad virorum religiosorum sustentationem a fidelibus Dei devote collata sunt multorum perversitas non sine gravi peccato minuere auferre vel perturbare impudenter non timeat summo opere ipsos ecclesie pastores decet malorum incursus vigilanter providendo precavere et si quid crudeliter aut temere in servos Dei presumptum fuerit gladium episcopale cum Petro viriliter et secundum canones fideliter exercere Quod nobiscum crebro et sollicite pertractantes religiose etiam conversationis fratrum de Driburgh odore provocati ecclesiam sancte Marie et sancti Johannis evangeliste ibidem et fratres in ea Deo servientes in beati Andree apostoli et nostra protectione suscipimus et presentis scripti patrocinio communimus Preterea quoscunque redditus quascunque possessiones quecunque bona in dioecesi nostra juste et canonice in presenti possident vel Deo propitiante in futuro poterunt adipisci eis episcopali auctoritate possidenda confirmamus et hec proprijs vocabulis exprimimus ecclesiam de Myrtoun cum terra adjacente et omnibus pertinentijs suis ecclesiam de Childinchirch cum terra adjacente et omnibus pertinencijs suis ecclesiam de Saultoun cum terra adjacente et omnibus pertinentijs suis Langelaw per rectas divisas suas piscationes de Berwic decimas molendinorum de Saultoun et de Lauder et de Ulkilstoun et de Thirlestan decimam molte de Newtoun et de Naythynthirn grangiam de Candesley per rectas divisas et metas que in autentico scripto inter eos et monachos de Melros mediantibus viris religiosis et discretis pro bono pacis facto continentur ecclesiam de Kilrethny cum omnibus pertinentijs rectitudinibus suis dimidiam carucatam terre in Petcorthyn et unum plenum toftum in Karal unam carucatam terre in Smalham duas bovatas terre in Ercildon duas bovatas terre in Bemersyd cum Threpwod viginti solidos in Edinham Decernimus ergo et concedendo in presencia nostre synodi eis confirmamus ut prefata beneficia tam libere quiete et plenaria in usus proprios perpetuo teneant et possideant sicut ea liberius vel plenius hucusque tenuerint aut in presenti tenent et sicut carte eorum confirmant qui eadem beneficia eis pie contulerunt Ut autem hec concessio nostra robur perpetue firmitatis optineat eam sigilli nostri munimine et appositione sigillorum prioris et conventus sancti Andree et assensu capituli et magistri Laurencio et magistri Johanne archidiaconorum ejusdem ecclesie dignum duximus roborare Testibus []