Charter Document - 07300236
| Charter Number: | 07300236 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Protection |
| Date: | 1165 - 1178 |
| Date type: | Assigned |
| Resource Link(s): |
People of Medieval Scotland |
Charter:
Ricardus Dei gracia ecclesie sancti Andree in Scotia humilis minister omnibus [] salutem Noverit universitas vestra nos ex pia conversatione simul et petitione fratrum canonicorum de Driburgh provocatos domum ipsam et omnes in ea Deo servientes in speciali tutela et protectione beati Andree apostoli et nostra suscepiffe et eis gratanter concessisse et hac presenti carta auctoritate episcopali confirmasse omnes elemosinas et beneficia que de Morevilla fundator eorum pro salute anime sue predicte domui contulit scilicet terras et aquas et piscationes et ecclesias terre sue post decessum personarum qui in presenti tenent et omnia alia que ad sustentationem eorum assignavit et dedit ut in carta ejusdem continetur quoscunque etiam redditus quascunque libertates quecunque bona piorum regum David Malcolmi Willelmi largitate vel ceterorum Dei fidelium collatione juste et pie in episcopatu nostro vel consecuti sunt vel Deo propitiante in futuro consequi potuerint presenti scripto omnia communimus et perpetuo usibus et necessitatibus eorum integre et illibate profutura confirmamus ita libere quiete et plenaria eis possidenda sicut aliqua elemosina in dioecesi sancti Andree liberius et quietius possidetur salvo jure episcopali Ad majorem vero predicte domus reverentiam et quietem nos servorum Dei volentes devotioni satisfacere pacem ecclesiasticam in terris libere elemosine sue firmiter servandam statuimus sub interminacione anathematis inhibentes ne quis ausu temerario infra crucem quam ad orientem metarum suarum erexerunt hominem capere verberare furtum seu rapinam facere ignem apponere vel aliquam violenciam inferre presumat quod si quis hanc constitutionem infregerit vel contra eam temere venire presumpserit indignacionem Dei omnipotentis et beate virginis Marie et sanctorum apostolorum Andree et Johannis se noverit incursurum nisi secundo tertiove commonitus reatum suum digne satisfaciendo emendaverit Cunctis autem prefate domui pacem et sua jura ad integrum servantibus largam Dei et sanctorum ejus benedictionem et nostram devote participamus Testibus []