Charter Document - 07300229
| Charter Number: | 07300229 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1210 - 1221 |
| Date type: | Assigned |
| Resource Link(s): |
People of Medieval Scotland |
Charter:
Universis Christi [] Thomas Dei gratia dictus abbas de Driburgh et ejusdem loci conventus eternam in Domino salutem Noverit universitas vestra nos communi consensu et assensu capituli nostri dedisse et concessisse et hac carta nostra confirmasse domino Ricardo capellano domini Alani de Gawithia clerico nostro unam dimidiam carucatam terre quam habuimus in Conygham in territorio de Giffyn illam scilicet quam Alexander de Neuhan nobis dedit in escambium pro illis duabus bovatas terre quas Willelmus de Neuhan pater ejusdem Alexandri nobis dedit et incantavit Tenendam de nobis inperpetuum sibi et cuicunque illam assignare voluerit et heredibus ipsius [vel] assignatis inperpetuum ita libere et quiete et honorifice sicut carta ipsius Alexandri quam de eadem terra habemus testatur et pro portat scilicet in puram et perpetuam elemosinam Ipse vero Ricardus capellanus [solvet] nobis pro predicta terra in tota vita sua quatuor solidos argenti ad festum sancti Jacobi in nundinis de Rogesburgh Assignati autem ipsius Ricardi et heredes eorum pro eadem terra solvent nobis annuatim dimidiam marcam argenti ad prefatum terminum quam ipsi ad domum nostram deferri facient Ut autem hec nostra donatio inperpetuum rata sit et inconcussa permaneat eam presenti scripto et sigillo nostro com munivimus Teste capitulo nostro