Charter Document - 07300227
| Charter Number: | 07300227 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1196 - 1221 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Walterus de Mulcaster salutem Noverit universitas vestra me divine pietatis intuitu et pro animabus omnium antecessorum meorum et pro salute anime mee et uxoris mee et heredum meorum et successorum et benefactorum meorum dedisse concessisse et hac mea carta confirmasse Deo et beate Marie de Driburgh et canonicis ibidem Deo servientibus illam dimidiam carucatam terre in territorio de Giffyn quam Alexander de Neu eisdem canonicis dedit illam scilicet super quam capella sancte Brigide sedet in Triern scilicet per has divisas que incipiunt a capite unius acre que est terra ejusdem ville de Giffyn que jacet versus austrum a capella predicta ex transverso versus occidentem usque in propinquiorem magnum sicum qui extenditur per medium propinquiorem mussum versus occidentem et sic inde ascendendo versus aquilonem per eundem sicum usque ad Starwell et sic inde per rivulum qui defendit de Starwell usque in Triernburn et sic inde ascendendo per illum sicum usque in quendam mussum et sic inde ex transverso illius mussi usque ad propinquiorem sicum qui est inter illum mussum et terram arabilem et sic inde per eundem sicum versus orientem usque in quendam rivulum qui defendit de sub fonte beate Brigide et sic inde ascendendo per illum rivulum usque in rivulum qui descendit de fonte beate Brigide et sic inde ascendendo per illum rivulum usque in fontem beate Brigide et sic a fonte illo ex transverso sub quadam rupe usque ad predictam acram terre que est terra ecclesie de Giffyn Habendam et tenendam in liberam puram et perpetuam elemosinam ita libere quiete et honorifice sicut aliqua elemosina liberius quietius et honorificentius in toto regno Scotie datur vel possidetur cum omni pastura et cum omnibus aysiamentis totius terre mee de Triernburn Et sciendum quod licebit hominibus predictorum canonicorum habitantibus in illa terra ire scalingis simul cum hominibus meis de Triern si voluerint Quare volo et concedo pro me et heredibus meis inperpetuum ut predicti canonici supradictam dimidiam carucatam terre pacifice habeant et possideant sine omni seculari exactione et consuetudine per omnia prout in carta prefati Alexandri continetur ego autem et heredes mei prefatam dimidiam carucatam terre cum suis rectis divisis aysiamentis et libertatibus contra omnes homines warantizabimus Ut autem hec mea donatio concessio et confirmatio perpetuam habeat firmitatem presens scriptum sigilli mei appositione roboravi Testibus []