Charter Document - 07300226
| Charter Number: | 07300226 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1196 - 1200 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris [] Alexander Neu salutem Noverit universitas vestra me divine pietatis intuitu et pro animabus dominorum meorum Ricardi de Morevilla Willelmi de Morevilla Rollandi de Gaweia Elene de Morevilla et eorum heredum et successorum et pro animabus parentum meorum et antecessorum Willelmi de Neu patris mei et Ricardi de Neu fratris mei et Syrit matris mee et pro salute anime mee et sponse mee et heredum meorum et successorum concessisse dedisse et hac presenti carta mea confirmasse Deo et ecclesie sancte Marie de Driburgh et canonicis ibidem Deo servientibus unam dimidiam carucatam terre in territorio de Giffyn illam scilicet super quam capella sancte Brigide sedet in Triern scilicet per has divisas que incipiunt in capite unius acre que est in terra ejusdem ville de Giffyn que jacet versus austrum a capella predicta ex transverso versus occidentem usque in propinquiorem magnum sicum qui extenditur per medium propinquiorem mussum versus occidentem et sic inde descendendo versus aquilonem per eundem sicum usque ad Starwele et sic inde per rivulum qui defendit de Starwele usque in Triernburn et sic inde ascendendo per Triernburn versus orientem usque ad quendam sicum ubi quedam crux posita est et sic ascendendo per illum sicum usque ad quendam mussum et sic inde ex transverso illius mussi usque ad propinqui orem sicum qui est inter illum mussum et terram arabilem et sic inde per eundem sicum versus orientem usque in quendam rivulum qui defendit de sub fonte beate Brigide et sic ascendendo per illum rivulum usque ad fontem beate Brigide et sic a fonte illo ex transverso sub quadam rupe usque ad predictam acram que est terra ecclesie de Giffyn Habendam et tenendam in liberam puram et perpetuam elemosinam ita libere quiete et honorifice sicut aliqua elemosina liberius quietius et honorificentius in toto regno Scotie datur vel possidetur cum omni pastura et cum omnibus communibus aysiamentis totius terre mee de Triern Et sciendum quod licebit hominibus predictorum canonicorum habitantibus in illa terra ire scalingis simul cum hominibus meis de Triern si voluerint Hanc vero predictam dimidiam carucatam terre concessi et dedi predictis canonicis in ex cambium pro duabus bovatas terre quas Willelmus pater meus eis dedit infra feudum de Giffyn et pro alijs duabus bovatas terre quas Ricardus frater meus eisdem dedit et incantavit et pro incremento terre quod idem Ricardus frater meus eis dedit Ut autem hec donatio mea perpetuam habeat firmitatem illam presenti scripto et sigilli mei appositione communivi Testibus []