Charter Document - 07300223

Omnibus hoc scriptum [] Petrus filius Willelmi Asseby salutem Noverit universitas vestra quod pater meus Willelmus dedit canonicis de Driburgh decem marcas argenti ut ipse et heredes sui terram eorum de Ingilbristoun possideret per easdem divisas per quas eandem prefati canonici eousque tenuerant Ita ut confirmatio domini regis de hac tenura ei adquiretur et per prefatas divisas terram warantizarent vel si hoc eos facere non contingeret decem marcas quas acceperant ei vel heredibus suis restituerent Quod ego Petrus heres ejus videns eos non fecisse scilicet nec confirmatio nem domini regis adquisisse nec contra aliorum proclamationes terram per rectas divisas warantizare posse perpendens etiam ipsam tenuram mihi vel alteri meorum nihil vel parum profecisse aut de cetero proficere posse petij a predictis canonicis ad consilium bonorum hominum decem marcas quas a patre meo acceperant et accepi eas ab illis apud Lilliscloue coram Hugone clerico Glasguensi et Willelmo senescallo et Gamello et Ever de Lessedewyn et pluribus alijs eandemque terram et cartam quam pater meus de ea acceperat cum omni jure quod vel ipse vel ego vel aliquis nostrorum in predicta tenura habuit vel habere potuit predicte domui fideliter et gratis resignavi primo apud Naythanthirn coram domina que fuit uxor Willelmi de Morevilla et Johanne de sancto Claro et Willelmo filio ejus et Symone de Naythynthirn et postea in synodo apud Rogesburgh Id ipsum etiam feci coram regis vicecomite de Lanark et ballivis domini regis et coram hijs testibus Waltero clerico domini regis et Ricardo Gern Waltero Croc Hugone filio regis vicecomitis Willelmo hostiario Willelmo filio Erchenbaldi Waltero filio Rogeri Willelmo filio Hugonis et Helya de Crauford et multis alijs Hanc resignationem fideliter et firmiter et sine fraude inperpetuum observandam tactis sacrosanctis juravi et etiam postea in manu domini Osberti abbatis de Calkou et in manu domini Johannis decani de Rogesburgh affidavi anno Dominice incarnationis CCIIIJ idus Junij post festum sancte Trinitatis proxime cum essem in legitima etate et sospitate et libera potestate mea Ut igitur hec resignatio mea de cetero sine aliqua reclamatione rata sit et stabilis eandem sigilli mei appositione confirmavi et me petente bonorum hominum sigillis et testimonijs confirmari feci Testibus [] Hoc scriptum feci ego Petrus legi in comitatu de Lanark presente Willelmo de Somervill Symone Loccard Thoma de Colbaynstoun Rogero filio Johannis de Crousrod Roberto filio Roberti Waltero filio Willelmi Roberto Logan Hugone Palmer Adam Ruffus Johanne filio Auich Radulpho coco Ricardo de memonere xvii kalendas Julij feria quinta