Charter Document - 07300217
| Charter Number: | 07300217 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 - 1249 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Johannes Brac salutem Noverit universitas vestra me divine pietatis intuitu dedisse concessisse et hac mea carta confirmasse Deo et beate Marie et sancto Kentigerno et abbati et conventui de Driburgh rectoribus ecclesie de Lanark totam terram quam tempore patris mei habuerunt de dono ipsius circundatam fossato ex orientali parte ecclesie de Lanark Tenendam sibi de me et heredibus meis et pro salute domini Alexandri regis Scotie et pro salute anime mee et animarum antecessorum et successorum meorum in liberam puram et perpetuam elemosinam in terram scilicet sancti [Kentigerni] matricis ecclesie nostre de Lanark quietam et immunem ab omni servicio consuetudine et demanda sicut aliqua elemosina in regno Scotie quietius et honorificentius tenetur et possidetur Ego vero et heredes mei dictam terram prefatis abbati et conventui warantizabimus contra omnes homines et feminas inperpetuum Ut autem hec mea donatio concessio et confirmatio perpetuum robur debite securitatis optineat presentem cartam dictis canonicis caritative contuli sigilli mei appositione roboratam Testibus []