Charter Document - 07300216
| Charter Number: | 07300216 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 - 1249 |
| Date type: | Assigned |
| Resource Link(s): |
People of Medieval Scotland |
Charter:
Universis [] Jordanus Brac salutem Noverit universitas vestra me consensu et assensu heredis mei dedisse et concessisse et hac mea carta confirmasse Deo et ecclesie sancte Marie de Driburgh et ecclesie sancti Kentegerni de Lanark terram quandam tenendam de me et heredibus meis in puram et perpetuam elemosinam pro salute anime domini mei Willelmi regis Scotie et pro salute anime mee et antecessorum et successorum meorum per istas divisas scilicet per medium cujusdam maresij proxime adjacentis terre Fratrum Hospitalis quam dedi eis et sic ad veterem fossam in australi parte et sic per mariscum parvum in orientali parte cum toto illo marisco usque in viam regiam ascendendo usque ex equo respondeatur medietati primo nominati mariscis sicut predicta terra fossa canonicorum circumdatur et eis pro me et per visum proborum virorum perambulatur et traditur cum omni pastura et libertate multure libere et quiete sicut ego totam terram meam teneo de domino meo rege Alexandro Volo autem ut predicti canonici sepe dictam terram possideant et teneant ita libere et quiete honorifice plenaria sicut aliqua elemosina potest liberius quietius plenius et honorificentius possideri et confirmari Ut autem ista donatio rata fit et inconcussa presens scriptum sigilli mei appositione confirmavi Testibus []