Charter Document - 07300215
| Charter Number: | 07300215 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1165 - 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus has literas [] Willelmus de Karamikley burgensis de Lanark salutem in Domino Noveritis me dedisse concessisse et hac carta mea confirmasse viris religiosis abbati et conventui de Driburgh burgagium unum in villa de Lanark medium inter mansionem Willelmi textoris ex parte una et mansionem Johannis Blaw ex altera quod quidem burgagium eisdem concessi et in plenaria saysina ejusdem ipsos institui in escambium cujusdam alterius burgagij quod dicti abbas et conventus habuerunt in predicta villa de Lanark ex opposito domus mee quod mihi concesserunt et per cartam suam mihi et heredibus meis vel assignatis perpetuo confirmaverunt Ego vero et heredes mei dictum burgagium quod modo supradicto dictis abbati et conventui contuli contra omnes homines et feminas warantizabimus et defendemus Ita quod Johannes filius Enoch et heredes sui qui dictum burgagium ad feodi firmam de me et heredibus meis tenent quinque solidos sterlingorum dictis abbati et conventui pro firma dicti burgagij annuatim persolvent videlicet medietatem ad festum Pentecostes et aliam medietatem ad festum sancti Martini in hyeme Et si contingat quod ego vel heredes mei vel assignati dictum burgagium dictis abbati et conventui warantizare non poterimus volo quod burgagium illud quod in escambium istius ab ipsis recepi sine omni contradictione ad ipsos revertatur In cujus rei testi monium presenti scripto sigillum meum apposui Teste tota communitate burgensium de Lanark