Charter Document - 07300211
| Charter Number: | 07300211 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1241 - 1263 |
| Date type: | Assigned |
| Resource Link(s): |
|
Charter:
Omnibus Christi [] Alexander regis Scottorum senescallus salutem Noverit universitas vestra nos caritatis intuitu dedisse concessisse et hac carta nostra confirmasse Deo et beate Marie et sancto Kentegerno et canonicis de Driburgh in ecclesia de Lanark procuratoribus totum redditum annuatim solvendum de tota terra pertinente ad baroniam nostram scilicet quinque solidos et sex denarios ad duos terminos in eadem villa Tenendum et habendum de nobis et heredibus nostris in liberam puram et perpetuam elemosinam ad sustentanda luminaria in majori ecclesia et capella dicte ville specialiter pro anima domini Alexandri regis Scottorum et pro animabus omnium antecessorum et successorum meorum libere et quiete sicut aliqua elemosina in regno Scotie liberius et quietius tenetur homines antedictam terram tenentes forinseca auxilia et omnia servicia et omnia eandem terram contingentia facient et plenum redditum prefatis canonicis sine contradictione annuatim persolvent quem si solvere cessaverint vel contradixerint licebit procuratoribus dicte ecclesie ipsos detinentes prout expedire sibi viderint juste compellere Ut autem hec nostra donatio perpetuum robur optineat firmitatis presentem cartam eisdem canonicis caritative contulimus sigillo nostro roboratam salvis nobis et heredibus nostris debitis aysiamentis infra dictam terram quociens necesse fuerit Testibus []