Charter Document - 07300205
| Charter Number: | 07300205 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1220 - 1249 |
| Date type: | Assigned |
| Resource Link(s): |
People of Medieval Scotland |
Charter:
Universis Christi [] Johannes filius Yliss de Ylistoun salutem Noverit universitas vestra me divine caritatis intuitu dedisse et concessisse et hac presenti carta mea confirmasse Deo et ecclesie sancte Marie de Driburgh et canonicis ibidem Deo servientibus pro salute animarum omnium antecessorum et successorum meorum in liberam puram et perpetuam elemosinam decem acras terre de dominio meo in villa de Ylistoun per istas divisas scilicet duas acras in tofto et crofto scilicet propinquiores rivulo qui currit sub gardino meo ex orientali parte ejusdem rivuli et quinque acras in Rokflat scilicet propinquiores vie tendenti versus Boulden ex occidentali parte ejusdem vie et tres acras in Grenerig Tenendas de me et heredibus meis adeo libere quiete et honorifice sine omni servicio et consuetudine et seculari exactione sicut aliqua elemosina in toto regno Scotie ab aliquibus viris religiosis liberius quietius et honorificentius tenetur et possidetur Et sciendum est quod ego et heredes mei totam predictam terram cum predictis divisis et libertatibus suis prefatis canonicis contra omnes homines warantizabimus et forinseca et omnia alia servicia terram contingentia Testibus []