Charter Document - 07300200
| Charter Number: | 07300200 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1208 - 1211 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Thomas et Ivo de sancti Andree et de May priores et magister Simone de sancti Andree salutem Noverit universitas vestra quod causa que vertebatur super ecclesia de Maxtoun inter abbatem et conventum de Driburgh ex una parte et Hugonem militem de Normanvill et Ricardum de Normanvill de Maxtoun ex altera parte nobis a domino Papa delegata et coram nobis aliquandiu ventilata in hac forma pacis mediante auctoritate qua functi fuimus finaliter et perpetuo terminata est videlicet quod predicti abbas et conventus quietum clamaverunt prefato Henrico militi et heredibus suis et eorum successoribus omne jus quod in ecclesia de Maxtoun habere potuerunt aut habere dixerunt et quod nullo tempore contra ipsum militem et heredes suos et eorum successores super illa ecclesia querimoniam movebunt Predictus etiam miles pro bono pacis perpetue dedit et concessit et sua carta confirmavit abbati et canonicis de Driburgh dimidiam carucatam terre in territorio de Newtoun integram et quietam a multura ab omni consuetudine et seculari exactione per metas et divisas que in carta ipsius militis continetur Qui quidem miles et heredes sui vel successores predictam terram predictis canonicis warantizabunt contra omnes homines habebunt et sepe dicti canonici communem pasturam quatuor bobus et uni caballo cum hominibus de Newtoun Hanc igitur terram predicti abbas et conventus tenebunt et possidebunt in puram et perpetuam elemosinam Nos igitur hanc pacem auctoritate domini Pape confirmamus et ut in posterum hec confirmatio rata fit et irrefragabilis presenti scripto sigilla virorum venerabilium sancti Andree et Glasguensis episcoporum una cum nostris sigilla etiam abbatis et conventus de Driburg et Henrici militis decernimus apponi et testes annotari Testibus []