Charter Document - 07300198
| Charter Number: | 07300198 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1182 - 1232 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Ricardus de Faunis salutem Noverit universitas vestra me dedisse et concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus in territorio meo de Faunys turbariam que est ex occidentali parte de Kingeswele sicut jacet inter fossatas scilicet acram et dimidiam et ex parte australi fossate dimidiam acram turbarie propinquiorem predictis acre et dimidie in liberam et puram et perpetuam elemosinam pro salute anime mee et uxoris mee et heredum meorum et omnium antecessorum et successorum meorum Volo etiam et concedo ut predicti canonici habeant communem pasturam tam bobus quam caballis in predicta turbaria laborantibus et redigant predictam turbariam in pratum aut pasturam aut in quemlibet usum sicut sibi commodius viderint expedire absque omni contradictione et teneant eam et possideant ita libere quiete et honorifice sicut aliquam terram liberius qui etius et honorificentius tenent et possident []