Charter Document - 07300195
| Charter Number: | 07300195 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1250 |
| Date type: | Assigned |
| Resource Link(s): |
People of Medieval Scotland |
Charter:
Universis Christi [] Adam de Gordun miles eternam in Domino salutem Noverit universitas vestra me divine pietatis intuitu et pro salute anime mee et Alicie sponse mee et pro salute animarum omnium antecessorum et successorum meorum dedisse concessisse et hac mea carta confirmasse Deo et ecclesie sancte Marie de Driburgh et canonicis ordinis Premonstratensis ibidem Deo servientibus et servituris in liberam puram et perpetuam elemosinam totam petrariam meam in territorio de Faunes que incipit ab australi parte portionis que fuit Adam generis Willelmi versus occidentem proxime jacentem divisis petrarie quam Adam de Faunes contulit canonicis supradictis cum libero introitu et exitu ubicumque sibi viderint expedire et cum communi pastura tam bobus suis quam caballis ad eandem petrariam accedentibus et in ea laborantibus adeo libere quiete et honorifice sicut aliqua elemosina in regno Scotie liberius quietius et honorificentius tenetur et possidetur et ut redigant predictam petrariam in pratum aut pasturam aut quemlibet alium usum sicut sibi commodius viderint expedire absque ulla contradictione mei vel heredum meorum et sciendum est quod ego Adam et heredes mei dictam petrariam cum omnibus aysiamentis suis et divisis dictis canonicis inperpetuum contra omnes homines warantizabimus In cujus rei testimonium presenti scripto sigillum meum apposui Testibus []