Charter Document - 07300194
| Charter Number: | 07300194 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Adam de Faunys salutem Noverit universitas vestra me divine pietatis intuitu dedisse concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus in territorio meo de Faunes unam petariam ex occidentali et australi parte de Kingeswell per has divisas scilicet incipiendo ab eodem Kingeswell versus occidentem per sichetum aquilon[al]em usque ad longas fossas Arkilly et inde versus austrum per fossatum qui jacet ab occidente usque ad fossatum australem quem coram hominibus meis feci in metam inter eandem petariam canonicorum et petariam hominum meorum et iterum ex alia parte incipiendo a predicto Kingeswele versus austrum per cursum ejusdem fontis directo usque in prenominatum fossatum australem circueuntem prefatam petariam ab austro et sic infra eundem fossatum et transversum versus occidentem usque ad quandam crucem lapideam erectam ab occidente in liberam puram et perpetuam elemosinam et pro salute anime mee et uxoris mee et heredum meorum et omnium antecessorum et successorum meorum Volo igitur et concedo ut predicti canonici teneant habeant inperpetuum totam terram infra predictas divisas contentam cum libero introitu et exitu ubicumque viderint sibi expedire et cum communi pastura tam bobus suis quam caballis ad eandem petariam accedentibus et in ea laborantibus libere quiete et honorifice sicut aliquam terram liberius quietius et honorificentius tenent et possident et ut redigant predictam petariam in pratum aut in pasturam aut in quemlibet usum alium sicut sibi commodius viderint expedire absque omni contradictione et sciendum quod ego et heredes mei warantizabimus totam predictam terram prefatis canonicis cum divisis et aysiamentis suis contra omnes homines Testibus []