Charter Document - 07300193
| Charter Number: | 07300193 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 - 1272 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Thomas de Lessedewyn eternam in Domino salutem Noverit universitas vestra me pro salute anime mee et pro salute omnium antecessorum et successorum meorum dedisse et concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus dimidiam marcam argenti in perpetuam et puram elemosinam ad petanciam predictorum canonicorum die natalis Domini annuatim in perpetuo percipiendam de me et heredibus meis de firma terre mee de Huntrodes apud Eccles ad festum sancti Martini in hyeme quam quidem terram Priorisse et conventui de Eccles et ejusdem loci conventus magistro qui pro tempore fuerit in perpetuam prebendam firmavi dedi et concessi prout in munimentis inter me et ipsos confectis continetur Volo etiam et concedo ut dicti Priorissa et conventus et eorum magister qui pro tempore fuerint de firma mea vel heredum meorum in qua mihi vel heredibus meis annuatim ad festum sancti Martini in hyeme tenentur sine ulteriori dilatione absque ulla cavillatione dictam dimidiam marcam ad dictum tempus dictis canonicis perpetuo persolvant Et ut hec mea donatio firma fit et stabilis presenti scripto sigillum meum apposui