Charter Document - 07300192
| Charter Number: | 07300192 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1225 |
| Date type: | Internal, A.D., Calendar |
| Resource Link(s): |
Embedded Document People of Medieval Scotland |
Charter:
Omnibus Christi fidelibus hoc scriptum uisuris uel audituris Adam dei gracia abbas et G prior de Melros et Ricardus decanus Teuidalie salutem in domino Mandatum domino pape in hec verba suscepimus [] Huius igitur auctoritate mandati partibus in nostra presencia constitutis pars canonicorum intencionem suam fundauit in hiis uerbis Dicunt abbas et conuentus de Driburg quod cum naues et naui celle piscaria applicantes in riuulo illo qui est medius terminus inter parochiam de Kilretheny ex parte una et parochiam de Kynstrother ex altera propter uicinitatem locorum situ suo metas occupent parochie de Kilretheni que extenditur usque in medium alueum eiusdem riuuli et anchoras suas infra metas eiusdem parochie figentes aminiculo eiusdem ibidem resident et in metis suis pernotantur medietas decimarum omnium nauium et naui cellarum piscarium ibidem applicancium et metas dicte parochie occupancium de iure spectare debet ad matricem ecclesiam de Kilretheni quam medietatem in prejudicum eiusdem ecclesie prior et monachi de May ut dicunt dicti abbas et conuentus sibi usurpant et detinent vnde sibi petunt iusticiam exhiberi ista autem dicunt saluo sibi iure addendi uel mutandi uel minuendi De hiis igitur lis inter partes ali quamdiu agitata per prousionem iudicum de assensu parcium hoc fine quieuit quod monachi de May pro bono pacis soluent annuatim in perpetuum vnam marcam argenti medietatem ad Pentecosten et medietatem ad festum sancti Martini ecclesie parochiali de Kelretheni in eadem ecclesia scilicet procuratori abbatis et canonicorum ad hoc constituto et per hanc solucionem dicte marce liberi erunt monachi et immunes ab omni exaccione et impedicione canonicorum quo ad omnia supra nominata hoc saluo quod canonici de parochianis propriis hoc est de hiis qui recipiunt spiritualia iure parochiali in ecclesia canonicorum commorantibus in eadem parochia ad dictam partem litoris applicantibus decimas integre percipient monachi vero de omnibus aliis aliunde uenientibus ad eandem partem litoris applicantibus decimas percipient integraliter et neutra pars in preiudicium alterius aliquid adtemptabit Vt autem pax ista amicabiliter et caritatiue formata in perpetuum firma sit nos de uoluntate parcium eandem confirmamus apostolica auctoritate qua fungimur et ad eius securitatem perpetuam huic instrumento signa nostra vna cum sigillis parcium et cum sigillo abbatis de Redinghis fecimus apponi Acta apud Melros anno gracie MCCXXV Idibus decembris in presencia multorum
Markups
Names Markup:
Omnibus Christi fidelibus hoc scriptum uisuris uel audituris Adam dei gracia abbas et G prior de Melros et Ricardus decanus Teuidalie salutem in domino Mandatum domino pape in hec verba suscepimus []embed Huius igitur auctoritate mandati partibus in nostra presencia constitutis pars canonicorum intencionem suam fundauit in hiis uerbis Dicunt abbas et conuentus de Driburg quod cum naues et naui celle piscaria applicantes in riuulo illo qui est medius terminus inter parochiam de Kilretheny ex parte una et parochiam de Kynstrother ex altera propter uicinitatem locorum situ suo metas occupent parochie de Kilretheni que extenditur usque in medium alueum eiusdem riuuli et anchoras suas infra metas eiusdem parochie figentes aminiculo eiusdem ibidem resident et in metis suis pernotantur medietas decimarum omnium nauium et naui cellarum piscarium ibidem applicancium et metas dicte parochie occupancium de iure spectare debet ad matricem ecclesiam de Kilretheni quam medietatem in prejudicum eiusdem ecclesie prior et monachi de May ut dicunt dicti abbas et conuentus sibi usurpant et detinent vnde sibi petunt iusticiam exhiberi ista autem dicunt saluo sibi iure addendi uel mutandi uel minuendi De hiis igitur lis inter partes ali quamdiu agitata per prousionem iudicum de assensu parcium hoc fine quieuit quod monachi de May pro bono pacis soluent annuatim in perpetuum vnam marcam argenti medietatem ad Pentecosten et medietatem ad festum sancti Martini ecclesie parochiali de Kelretheni in eadem ecclesia scilicet procuratori abbatis et canonicorum ad hoc constituto et per hanc solucionem dicte marce liberi erunt monachi et immunes ab omni exaccione et impedicione canonicorum quo ad omnia supra nominata hoc saluo quod canonici de parochianis propriis hoc est de hiis qui recipiunt spiritualia iure parochiali in ecclesia canonicorum commorantibus in eadem parochia ad dictam partem litoris applicantibus decimas integre percipient monachi vero de omnibus aliis aliunde uenientibus ad eandem partem litoris applicantibus decimas percipient integraliter et neutra pars in preiudicium alterius aliquid adtemptabit Vt autem pax ista amicabiliter et caritatiue formata in perpetuum firma sit nos de uoluntate parcium eandem confirmamus apostolica auctoritate qua fungimur et ad eius securitatem perpetuam huic instrumento signa nostra vna cum sigillis parcium et cum sigillo abbatis de Redinghis fecimus apponi Acta apud Melros anno gracie MCCXXV Idibus decembris in presencia multorum