Charter Document - 07300190
| Charter Number: | 07300190 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus has literas [] Johannes Burgulum de Saultoun salutem in Domino Noverit universitas vestra me in veneratione sancte crucis et divine pietatis intuitu et pro salute anime mee et animarum antecessorum et successorum meorum dedisse concessisse et hac mea carta confirmasse Deo et beate Marie et matrici ecclesie sancte Michaelis de Saultoun et canonicis de Driburgh ejusdem ecclesie rectoribus quatuor acras terre in territorio de Saulton scilicet in parte aquilonali illius culture que vocatur Langeleys cum communi pastura tam in terra mea quam in communia ejusdem ville et cum omnibus aysiamentis et libertatibus terre mee pertinentibus inperpetuum sicut dictis canonicis terram prenominatam coram probis hominibus assignavi plenarium et integram Tenendam et habendam sibi et successoribus suis libere quiete integre et pacifice in liberam puram et perpetuam elemosinam sicut aliqua elemosina liberius quietius et honorificentius alicui ecclesie in regno Scotie potest dari vel confirmari ad sustentationem luminis diebus festivis ante in predicta ecclesia Hanc vero donationem ego et heredes mei sepe dicte ecclesie contra omnes homines warantizabimus inperpetuum Ut autem ista donatio et concessio rata permaneat et inconcussa presens scriptum sigilli mei appositione roboravi Testibus []