Charter Document - 07300189
| Charter Number: | 07300189 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Universis Christi fidelibus [] Henricus filius Willelmi de Saultoun eternam in Domino salutem Noverit universitas vestra me divine pietatis intuitu et pro salute anime patris mei et matris mee et pro salute animarum omnium antecessorum et successorum meorum dedisse et concessisse et hac presenti carta mea confirmasse Deo et ecclesie beate Marie de Driburgh et canonicis ordinis Premonstratensis ibidem Deo servientibus a parte orientali grangie ipsorum canonicorum in Saultoun totam terram illam in territorio ejusdem ville de Saultoun quam Willelmus pater meus eisdem caritative contulit et de qua eisdem dum adhuc viveret plenarium saysinam fecit Tenendam et habendam sibi de me et heredibus meis in liberam puram et perpetuam elemosinam adeo libere et quiete plenaria et honorifice sicut aliqua elemosina ab aliquibus viris religiosis liberius quietius plenius et honorificentius tenetur et possidetur Ego autem et heredes mei hanc dictam donationem et concessionem dictis canonicis contra omnes homines et dotes mulierum warantizabimus inperpetuum In cujus rei robur et testimonium presenti scripto sigillum meum apposui Testibus []