Charter Document - 07300187
| Charter Number: | 07300187 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1220 |
| Date type: | Assigned |
| Resource Link(s): |
People of Medieval Scotland |
Charter:
Hec est conventio facta inter abbatem et conventum de Driburgh ex una parte et magistrum de Soultre et fratres ejusdem loci ex altera scilicet quod idem abbas et conventus caritatis intuitu concesserunt et relaxaverunt domui de Soultre et fratribus ejusdem loci omnes decimationes et rectitudines quas ijdem fratres solvere deberent jure ecclesiastico matrici ecclesie de Childinchirch de illa carucata terre quam habuit in parochia de Childinchirch que vocatur Fulewithnis ad Wedelford tam scilicet in blado in usus proprios ex proprijs sumptibus culto quam in alijs mobilibus in eadem terra ipsis reddentibus domui de Driburgh annuatim pro recognitione matricis ecclesie de Childinchirch unam libram piperis et alteram cymini ad nundinas de Rogesburgh Et notandum est quod hoc eisdem fratribus caritative concessum est quamdiu predictam terram in usus proprios proprio cultu tenent servientes vero eorum in eadem terra et eciam omnes homines quos habuerint sub se in eadem terra sedentes plene et integre per omnia solvent decimas suas et omnes rectitudines matrici ecclesie de Childinchirch tam in vita quam in obitu sive incolatur ipsa terra a domo de Soltre sive non si autem fratres prefate domus de Soltre jam dictam terram alijs dederint vel vendiderint seu etiam ad firmam dimiserint omnes donationes et jura ecclesiastica totius illius terre tam de blado quam de ceteris omnibus plenaria et integre in omnibus matrici ecclesie persolvantur Preterea ita convenit inter eos quod si fratres sepe dicte domus de Soltre scilicet ab anno incarnationis Domini MCCXX aliquam terram in parochia de Childinchirch ad firmam acceperint vel ex alicujus consecuti fuerint predictam terram plenaria decimationes et jura ecclesiastica integre in omnibus et per omnia matrici ecclesie de illa terra et de omnibus in ea persolvent similiter et ubicumque in eorum parochijs aliquid habuerint tam ipsi quam eorum servientes et homines de se tenentes In hujus autem rei testimonium scripto istius conventionis sigilla utriusque domus hinc sunt apposita et inde Testibus []