Charter Document - 07300186
| Charter Number: | 07300186 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1196 - 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum [] Henricus de Mundevilla eternam in Domino salutem Universitati vestre significo me tam cautione juratoria prestita quam presenti scripto obligatum fore erga dominum abbatem et conventum de Driburgh pro me et heredibus meis perpetuo quod nunquam ratione capelle in curia mea de Glengelt constructe matrici ecclesie de Childinchirch in aliquo per judicabo sed obventiones omnimodas dicte ecclesie de Childinchirch indempniter confirmabo secundum tenorem carte ab abbate et conventu de Driburgh super divinorum in dicta capella celebratione mihi collate Dedi insuper et concessi dictis abbati et conventui de Driburgh tres acras terre in territorio meo de Glengelt contiguas illis septem acris terre quas ex collatione domini Ivonis de Veteri ponte antecessoris mei in eodem territorio tenent et possident ex orientali parte dicte ecclesie de Childinchirch Tenendas et habendas sibi in puram et perpetuam elemosinam per metas et divisas in carta mea super hijs tribus acris terre confecta plenius nominatas quarum etiam saysinam eisdem feci plenarium In cujus rei robur perpetuum presenti scripto sigillum meum apposui Testibus []