Charter Document - 07300183
| Charter Number: | 07300183 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 - 1300 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Willelmus de Burnecastall salutem in Domino Noverit universitas vestra me divine caritatis intuitu dedisse concessisse et hac mea carta confirmasse Deo et beate Marie de Driburgh et canonicis ibidem Deo servientibus et inperpetuum servituris unum pratum in Logis Samsonis quod vocatur Flaxillis et moram unam que jacet inter predictum pratum et viam que venit per Standandstane et inter terram illam quam Ricardus venator colere solebat et Lousilawe Dunselawe et quatuor acras in Folkesflate scilicet unam que jacet inter terram que fuit Henrici filij Samsonis et terram predictorum canonicorum cum tofto et tres acras in Folkesflate proximas terre Hutredi carpentarij in australi parte cum omni pastura et omnibus aysiamentis in liberam puram et perpetuam elemosinam adeo libere quiete plenaria et honorifice ab omni forinseco et seculari exactione consuetudine et demanda sicut in carta predecessorum meorum plenius continetur Reddendo inde annuatim quatuor denarios vel dimidiam libram piperis infra nundinas de Rogesburgh Ego vero et heredes mei dictum pratum et totam dictam terram cum omnibus libertatibus suis predictis canonicis contra omnes homines et dotes vel tertias feminarum warantizabimus et defendemus preterea confirmo hac carta mea pro me et heredibus meis dictis canonicis omnes donationes et concessiones omnium predecessorum meorum que me vel heredes meos in aliquo contingunt vel contingere poterint Ut autem hec mea libera donatio et confirmatio robur firmitatis optineat inperpetuum eam presenti scripto et sigillo meo apposito et virorum bonorum testimonio roboravi Testibus []