Charter Document - 07300181
| Charter Number: | 07300181 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1220 - 1230 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Willelmus filius Roberti salutem Noverit universitas vestra me divine caritatis intuitu dedisse et concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus et servituris in liberam puram et perpetuam elemosinam pro salute dominorum meorum et omnium antecessorum et successorum meorum totum illud pratum quod habui ex dono Samsonis de Logis scilicet totum illud pratum quod ex utraque parte rivuli jacet inter Morilaw et Caldewele in longum et inter Standandstane et capud croftorum de Logis in latum et etiam totam terram cultam que jacet infra idem pratum Tenenda sibi inperpetuum ita libere quiete plenaria et honorifice absque omni consuetudine et seculari exactione sicut aliqua elemosina ab aliquo liberius quietius plenius et honorificentius viris religiosis potest conferri Et sciendum est quod ego et heredes mei totam dictam terram prefatis canonicis warantizabimus contra omnes homines et forinseca et omnia alia predictam terram contingentia faciemus Ut autem hec mea libera donatio dictis canonicis inperpetuum robur optineat firmitatis presens scriptum eisdem contuli sigillo meo roboratum Testibus []