Charter Document - 07300179
| Charter Number: | 07300179 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Henricus filius Samsonis de Logis salutem Noverit universitas vestra me divine caritatis intuitu concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus et servituris donum Willelmi filij Roberti quod eisdem canonicis fecit scilicet unum toftum in villa de Samsonschelis illud scilicet quod est inter domum Gilberti generi mei et domum Adam filie Lyolphy cum crofto eidem tofto adherenti et preterea in territorio ejusdem ville totum illud pratum quod jacet inter Morilaw et Caldewele in longum et inter Standandstane et capud croftorum de Logis ex utraque parte rivuli in latum et etiam totam terram cultam cum mora que infra id pratum et extra mea fuit incipiendo a predicto Morilaw in obliquum usque ad Standandstane et inde versus orientem per viam juxta jacentem usque ad quendam Witnesbusk ultra viam que venit de Wennesheued et ab eodem Witnesbusk versus orientem facto circuitu versus amnem Ledre usque ad prenominatum Caldewell sicut carta ejusdem Willelmi eisdem preportat Tenenda sibi inperpetuum libere et quiete ab omni seculari exactione sicut aliqua elemosina liberius potest et quietius concedi et warantizabimus ego et heredes mei eisdem canonicis prefatum donum contra omnes homines Ut autem hec mea concessio perpetuum optineat robur firmitatis eam presenti scripto et sigilli mei munimine roboravi Testibus []