Charter Document - 07300178
| Charter Number: | 07300178 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 - 1229 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Willelmus filius Roberti salutem Noverit universitas vestra me divine caritatis intuitu dedisse et concessisse et hac mea carta confirmasse consensu et assensu heredum meorum Deo et ecclesie sancte Marie de Driburgh et canonicis ibidem Deo servientibus et servituris in liberam puram et perpetuam elemosinam pro salute dominorum meorum et omnium antecessorum et successorum meorum unum [toftum] in villa de Samsonchelis scilicet quod est inter domum Gilberti generi Henrici et domum Adam filie Lyolphy cum crofto et [eidem] tofto adherenti et preterea in territorio ejusdem ville totum illud pratum quod jacet inter Morelaw et Kaldewell in longum et inter Standandestane et capud croftorum de Longis ex utraque parte rivuli in latum et etiam totam terram cultam cum mora que infra idem pratum et extra mea fuit incipiendo a predicto Morilaw in obliquum usque ad Standandestane et inde versus orientem per viam juxta jacentem usque ad quendam Witnesbusg ultra viam que venit de Wennesheuede et ab eodem Witnesbusk versus orientem facto circuitu versus amnem Leder usque ad prenominatum Caldewell Tenenda sibi inperpetuum in liberam et puram elemosinam ita libere quiete plenaria et honorifice ab omni consuetudine et seculari exactione sicut aliqua elemosina ab aliquo liberius quietius plenius et honorificentius viris religiosis potest conferri Et sciendum est quod ego et heredes mei totam dictam terram prefatis canonicis contra omnes homines warantizabimus et forinseca et omnia alia ipsam terram contingentia faciemus Ut autem hec mea libera donatio dictis canonicis inperpetuum stabilis sit et inconcussa presens scriptum eisdem contuli sigillo meo roboratum Testibus []