Charter Document - 07300177
| Charter Number: | 07300177 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1229 - 1234 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Henricus filius Samsonis salutem Noverit universitas vestra me consensu et assensu uxoris et heredum meorum dedisse et concessisse et hac mea carta confirmasse Deo et ecclesie sancte Marie de Driburgh et matrici ecclesie mee de Childinchirch in villa mea de Samsonschelis unum toftum et [toftum] scilicet unius rode et croftum unius acre plene in crofto meo habentis in latitudine spacium novem rodarum per totum usque ad mensuram unius acre plene a fossato scilicet domus mee versus occidentem et ad hec ex occidentali parte ejusdem crofti proxime jacentem unam acram prati in prato meo juxta fossatum exitus ejusdem ville et preter hec in territorio ejusdem ville totam terram illam que jacet inter acram Willelmi filij Roberti et fossatum inter meum et Pilemor per istas divisas scilicet a sine predicte acre terre Willelmi usque ad unum Witnesbusk et inde usque in viam que ducit ad Wenneheued et sic per viam illam continue usque in Bradestrothirburne et inde tendendo versus aquilonem sicut rivulus ille ivit antiquitus usque in Leder et ab ipsa aqua Leder versus occidentem usque in siketum illud quod est inter me et Gilbertum generum meum in liberam et puram et perpetuam elemosinam et in terram ecclesie tenendam et habendam de me et heredibus meis inperpetuum ita libere et quiete et sine omni consuetudine et seculari exactione sicut aliqua terra ecclesie vel aliqua elemosina in ecclesiasticum beneficium ab aliquo plenius et quietius dari et confirmari potest pro salute dominorum meorum et pro salute anime mee et uxoris mee et liberorum meorum et omnium antecessorum et successorum meorum specialiter autem pro anima patris mei Samsonis et pro anima matris mee Dedi etiam et concessi predicte domui communem pasturam decies viginti ovibus et quadraginta averijs bobus vel vaccis et duobus caballis in tota terra mea cum omnibus alijs aysiamentis totius terre mee Preterea volo et concedo ut homines prenominate domus undecumque venientes cum bobus vel caballis suis habeant omnia aysiamenta infra prescriptas metas pretaxate terre quam dedi eis ad placitum suum sine contradictione prout voluerint et valuerint et sibi expedire viderint Ut autem hec mea donatio libera inperpetuum rata fit et inconcussa presenti scripto sigillum meum apposui et illud testimonio bonorum hominum corroboravi Testibus []