Charter Document - 07300176
| Charter Number: | 07300176 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1229 - 1234 |
| Date type: | Assigned |
| Resource Link(s): |
People of Medieval Scotland |
Charter:
Omnibus [] Henricus filius Samsonis de Logis salutem Noverit universitas vestra me consensu et assensu uxoris mee et heredis mei caritatis intuitu dedisse et concessisse et hac mea presenti carta confirmasse Deo et ecclesie sancte Marie de Driburgh et canonicis ibidem Deo servientibus et matrici mee ecclesie de Childinchirch in villa de Samsonchelis unum toftum et croftum toftum scilicet unius rode in fronte et croftum cum trium plenarum acrarum terre contigue eidem crofto proximo domui mee ab occidente et insuper terram illam tam arabilem quam pratum que jacet ex parte occidentali inter predictum croftum suum et rivulum metam inter terram meam et Pilemur videlicet incipiendo ex parte australi a quadam cruce lapidea statuta in margine ejusdem rivuli usque in Derestrete versus boream in longum Ad hec etiam acram que fuit Willelmi filij Roberti cum terra que jacet inter eandem acram et fossatum inter Samsonchelis et Pilemur in latum et a supradicta cruce lapidea usque in viam que ducit ad Wennesheued in longum et sic per eandem viam ex parte orientali continue a fossato de Pilemore usque in Bradestrothirburne et inde tendendo versus aquilonem sicut rivulus ille antiquitus currebat usque in Leder in liberam puram et perpetuam elemosinam et in terram ecclesie pro salute dominorum meorum et pro salute anime mee et uxoris mee et omnium antecessorum et successorum meorum Tenendam sibi et habendam inperpetuum ita libere quiete et sine omni consuetudine et seculari exactione sicut aliqua terra ecclesie vel alia elemosina ab aliquo in ecclesiasticum beneficium plenius quietius et honorificentius potest conferri Ego autem et heredes mei omnia forinseca et auxilia et omnes exactiones dictam terram contingentes faciemus et totam eandem terram contra omnes homines dictis canonicis warantizabimus Concessi etiam et dedi predicte domui communem pasturam trescentis ovibus et sexaginta averijs bobus vel vaccis et duobus caballis infra totam terram meam cum omnibus aysiamentis totius terre mee et ut homines prefate domus undecumque venientes cum bobus vel caballis suis habeant omnia aysiamenta infra prescriptas metas terre sibi collate ad placitum suum sine contradictione aliqua prout voluerint et valuerint et sibi expedire viderint Ut autem hec mea libera donatio perpetuum robur optineat stabilitatis eam presenti scripto et sigillo meo apposito et bonorum hominum testimonio roboravi []