Charter Document - 07300175
| Charter Number: | 07300175 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1273 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Universis presentes literas inspecturis Willelmus de Abirnithy miles salutem in Domino Noveritis quod ego intuitu Dei et honoris gloriose virginis Marie et pro salute anime mee antecessorum et successorum amicorum et familiarium meorum do et concedo Deo et ecclesie sancte Marie et abbati et conventui de Driburgh duas marcas annui redditus ad sustentationem luminis in missis sancte Marie in dicta ecclesia celebrandis recipiendas annuatim de fructibus molendini mei de Ulkestoun ad quoscunque dicti fructus devenerint Et volo et ordino quod de dicta pecunia sufficiens habeatur cereus specialiter coram ymagine beate Virginis in choro dicte ecclesie Promitto etiam fideliter pro me et heredibus meis et successoribus dictum redditum annuum singulis annis dictis abbati et conventui inperpetuum solvere ad festum purificationis sancte Marie et juxta formam prescriptam contra omnes homines warantizare In cujus rei testimonium presentibus literis sigillum meum apposui Datum anno Domini MCCLXX tertio in octavis apostolorum Petri et Pauli