Charter Document - 07300173
| Charter Number: | 07300173 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum [] Thomas filius Alani de Brothirstane salutem Noverit universitas vestra me divine caritatis intuitu et pro salute anime mee et pro salute patris mei et matris mee et omnium antecessorum et successorum meorum concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus et inperpetuum servituris viginti acras terre in villa de Brothirstane in occidentali parte ejusdem ville scilicet decem acras subtus viam que ducit versus Rogesburgh et decem acras supra eandem viam quas pater meus dedit Helene sorori mee et heredibus suis in libero maritagio Quas quidem viginti acras terre Alanus filius dicte Helene dedit dictis canonicis de Driburgh Hanc autem donationem dicti Alani concessi et confirmavi dictis canonicis de Driburgh in puram et perpetuam elemosinam libere quiete plenaria et pacifice cum omnibus aysiamentis et libertatibus predicte ville pertinentibus excepta multura que domino feudi debetur Reddendo inde annuatim mihi et heredibus meis unam libram piperis ad nundinas de Rogesburgh vel octo denarios pro omni servicio et consuetudine et seculari demanda Ego vero et heredes mei dictam donationem prefatis canonicis factam cum omnibus libertatibus et pertinentijs suis contra omnes homines et feminas warantizabimus Ut autem hec mea concessio et confirmacio perpetue firmitatis robur optineat presentem cartam sigilli mei appositione roboravi Testibus []