Charter Document - 07300170
| Charter Number: | 07300170 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1250 |
| Date type: | Assigned |
| Resource Link(s): |
People of Medieval Scotland |
Charter:
Omnibus Christi [] Symon de la Wairdrope salutem in Domino Noverit universitas vestra me de consensu et assensu Matildis uxoris mee filie Helye de Brothirstane et heredis mei dedisse concessisse et hac presenti carta mea confirmasse Deo et beate Marie de Dryburgh et abbati et conventui fratribus meis totam terram quam habui ex dono dicti Helye in territorio ville de Brothirstane scilicet decem et septem acras terre et unam acram quam habui in incrementum ex dono Alani filij dicti Helye cum mesuagio in dicto territorio prefate ville Tenendas et habendas sibi in liberam puram et perpetuam elemosinam ita libere quiete plenaria et honorifice cum omnibus aysiamentis et libertatibus infra villam et extra sine omni exactione seculari et consuetudine sicut aliqua elemosina in regno Scotie ex dono Alani liberius quietius et plenius et honorificentius a viris religiosis tenetur et possidetur Reddendo inde annuatim pro omni seculari exactione servicio et auxilio et consuetudine domino prefate ville et heredibus suis tres denarios ad Pentecosten et salva multura dicte terre Ego autem Symon de la Wairdrope et heredes mei totam dictam terram cum prescriptis libertatibus et aysiamentis infra villam et extra contra omnes homines prefatis fratribus meis abbati et conventui de Driburgh warantizabimus acquietabimus et defendemus Ut autem ista mea libera donatio robur perpetue firmitatis optineat eam presenti scripto et sigilli mei appositione roboravi Testibus []