Charter Document - 07300166
| Charter Number: | 07300166 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1230 - 1240 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Helyas de Brothirstanside salutem Noverit universitas vestra me divine caritatis intuitu dedisse et concessisse et hac mea carta confirmasse Deo et ecclesie sancte Marie de Driburgh et canonicis ibidem Deo servientibus vel servituris sex plenarias acras terre arabilis circumcinctas hijs divisis scilicet ex orientali parte culture mee de Witerig totam terram arabilem jacentem inter mariscum vicinum ab aquilone et oriente et rivulum qui vocatur Blakeburn currentem ex austro et ita ab oriente sicut mariscos et Blakeburn circumcingunt ex utraque parte totam terram continue et latum et longum versus occidentem versus usque ad acervos lapidum quos ibi coram probis hominibus concessi in divisas inter ipsas sex acras terre et reliquam terram de Witerig in liberam puram et perpetuam elemosinam Tenendam sibi et habendam de me et heredibus meis inperpetuum pro animabus dominorum meorum et pro salute anime mee et uxoris mee et liberorum meorum et omnium antecessorum et successorum meorum cum omnibus aysiamentis infra predictas metas in eadem terra prefatis fratribus necessarijs prout secundum dispositionem suam voluerint et valuerint et sibi expedire viderint ita libere quiete plenaria et honorifice sine omni servicio et exactione sicut aliqua elemosina viris religiosis liberius et quietius plenius et honorificentius caritative dari potest et confirmari Ut autem hec libera donatio mea inperpetuum rata permaneat et inconcussa presenti scripto sigilli mei testimonium apposui Testibus []