Charter Document - 07300162
| Charter Number: | 07300162 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1230 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris [] Helias de Brothirstanside salutem Sciant presentes et futuri me dedisse et concessisse et hac mea carta confirmasse Deo et operi ecclesie sancte Marie de Driburgh et conventui ibidem Deo servienti in villa mea de Brothirstansyd ex aquilonali parte ejusdem ville totam terram illam que est inter croftum Willelmi Hirdeman et exitum predicte ville penes orientem usque ad fossatum penes aquilonem in liberam et puram et perpetuam elemosinam Tenendam et habendam de me et heredibus meis inperpetuum ita libere et quiete et honorifice sicut aliqua terra liberius et quietius et honorificentius in elemosinam confirmandam confirmari potest pro salute dominorum meorum et pro salute mea et uxoris mee et heredum meorum et liberorum meorum specialiter autem pro anima Adam filij mei et omnium antecessorum et successorum meorum Dedi etiam et etiam concessi et hac presenti carta mea confirmavi predicto conventui communem pasturam quinquies viginti ovibus et octo bobus et quatuor vaccis et duobus averijs in tota terra mea cum omnibus alijs aysiamentis totius terre mee Testibus []