Charter Document - 07300161
| Charter Number: | 07300161 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1196 - 1229 |
| Date type: | Assigned |
| Resource Link(s): |
People of Medieval Scotland |
Charter:
Hec est conventio facta inter abbatem et conventum de Driburgh ex una parte et magistrum et congregationem domus hospitalis sancti Leonardi de Edinham ex altera scilicet quod cum abbas et conventus de Driburgh annuatim percipere solebant unam dimidiam marcam argenti et unam libram incensi de dicta domo hospitalis pro quadam dimidia carucata terre in territorio de Edinham dicti abbas et conventus quietam dimiserunt solutionem dicte dimidie marce et incensi predicte domui hospitalis inperpetuum pro tota illa terra quam magister et congregatio ejusdem hospitalis ex dono Adam comitisse in territorio de Petcorthyn in Scotia habuerunt Quam scilicet terram ipsi ut immunes essent inperpetuum a solutione prefate dimidie marce et liber incensi predictis abbati et conventui inperpetuum ex omni congregationis sue consensu dimiserunt perpetuis temporibus tenendam et possidendam quiete plenaria et honorifice cum omnibus aysiamentis et libertatibus ejusdem terre sicut prefata domus hospitalis liberius quietius plenarius et honorificentius eam tenuit et sicut carta dicte Adam comitisse super eadem terra proportat Et sciendum quod magister et congregatio predicti hospitalis totam supradictam terram cum libertatibus et aysiamentis suis prefatis abbati et conventui contra omnes homines warantizabunt Ut autem hec conventio inter predictas domus perpetuis temporibus rata permaneat et inconcussa ipsam utraque pars capitulorum suorum consensu et sigillis hinc inde appositis confirmavit Sciendum est autem quod predicti abbas et conventus ad magnam instanciam petitionis communium amico eorum concesserunt dicte congregationi hospitalis fallare quolibet anno inperpetuum tantum viginti quatuor ulnas albi panni ad molendinum suum de Driburgh sumptibus suis caritatis intuitu eo modo quo parare solent tunicas conversorum suorum Testibus []