Charter Document - 07300160
| Charter Number: | 07300160 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1178 - 1214 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia rex Scottorum omnibus probis hominibus totius terre sue clericis et laycis salutem Sciant presentes et futuri me dedisse et concessisse et hac carta mea confirmasse Deo et ecclesie beate Marie de Driburgh et canonicis ibidem Deo servientibus illam dimidiam carucatam terre in Edinham quam Erchibaldus abbas de Dunfermelyne et alij probi homines mei precepto meo eis tradiderunt et perambulaverunt in ex cambium illius dimidie carucate terre quam rex David avus meus Nicholayo clerico in eadem villa dederat cum toftis et croftis que Godewynus homo Nicholayi predicti tenuit ad predictam dimidiam carucatam terre Quare volo et precipio ut predicti canonici prefatam dimidiam carucatam terre habeant et teneant in liberam et perpetuam elemosinam ita libere et quiete plenaria et honorifice sicut alias elemosinas suas liberius quietius plenius et honorificentius tenent et possident Testibus []