Charter Document - 07300159
| Charter Number: | 07300159 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1153 - 1165 |
| Date type: | Assigned |
| Resource Link(s): |
People of Medieval Scotland |
Charter:
Malcolmus rex Scotie episcopis abbatibus comitibus justiciarijs baronibus vicecomitibus et omnibus probis hominibus totius regni sui salutem Sciant omnes me pro salute antecessorum meorum et mea concessisse et dedisse et per hanc cartam confirmasse Deo et ecclesie sancte Marie de Driburgh et canonicis ibidem Deo servientibus in liberam et puram et perpetuam elemosinam duas marcas singulis annis in Edinham quas Nicholaus clericus meus habuit in terra Petri filij Walteri de Strevelyn et Thebaldi de Norham et preter hoc dimidiam carucatam terre in eadem villa quam avus meus rex David predicto Nicholaio dedit Et preter hoc do et confirmo eis in Rogesburgh toftum illud quod vicinum est muro porte occidentalis cum eadem libertate quam avus meus cum predicto tofto Adam capellano suo dedit et confirmavit Volo itaque ut predicti canonici prefatam terram et elemosinas ita libere quiete teneant perpetuo sicut aliqua elemosina in regno meo liberius et quietius tenetur Testibus []