Charter Document - 07300157
| Charter Number: | 07300157 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Notification |
| Date: | 1278 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Walterus de Moravia fideli suo Alexandro Cissori ballivo suo de Smalham salutem Scias quod concessimus abbati et conventui de Driburgh pro nobis et heredibus nostris ut sint liberi a multura totius terre quam tenent de nobis in territorio de Smalham inperpetuum licet aliquo tempore fuerimus in possessione percipiendi multuram de quadam parte dicte terre ad firmarios dictorum abbatis et conventus quare tibi mandamus et precipimus quatinus dictos abbatem et conventum vel eorum procuratorem bladum suum dicte terre sine [exigentia] multure pacifice permittas carri are et prohibemus pro nobis et heredibus nostris ne aliquis ballivus noster vel alius exigat a dictis abbate et conventu vel eorum procuratore multuram ratione dicte terre in toto vel in parte vel eisdem molestiam super hoc inferat aut gravamen In cujus rei testimonium has literas nostras tibi mittimus patentes dicto abbati et conventui retrahendas Datas apud Botheuyle in crastino sancti Mathei apostoli anno gracie MCCLXX octavo Testibus []