Charter Document - 07300139
| Charter Number: | 07300139 |
|---|---|
| Cartulary Title: | Liber Sancte Marie de Dryburgh |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1252 - 1264 |
| Date type: | Assigned |
| Resource Link(s): |
People of Medieval Scotland |
Charter:
Omnibus presentem cartam visuris vel audituris Rogerus de Quyncy comes Wintonie constabularius Scotie eternam in Domino salutem Noverit universitas vestra nos divine pietatis intuitu et pro salute anime nostre et Alienore sponse nostre et pro animabus antecessorum et successorum nostrorum dedisse concessisse et hac presenti carta nostra confirmasse pro nobis et heredibus nostris Deo et ecclesie beate Marie de Driburgh et abbati et canonicis et omnibus eorum successoribus ibidem Deo servientibus et inperpetuum servituris totam piscariam nostram de Myertoun in lacu ejusdem quantum ad nos et heredes nostros cum omnibus pertinentijs sine aliquo retine mento Habendam et tenendam in liberam puram et perpetuam elemosinam de nobis et heredibus nostris inperpetuum adeo libere bene et quiete sicut aliqua elemosina melius liberius quietius dari poterit et teneri cum omnibus pertinentijs libertatibus et aysiamentis ad dictam piscariam pertinentibus vel pertinere debentibus salvis tamen nobis et heredibus nostris captionibus piscium in dicto lacu pro voluntate nostra quotienscunque nos vel heredes nostros in partibus de Myertoun venire contigerit Et nos et heredes nostri dictam piscariam in dicto lacu quantum ad nos vel heredes nostros pertinet sicut predictum est dicto abbati et conventui et omnibus eorum successoribus contra omnes homines et feminas warantizabimus acquietabimus et defendemus inperpetuum In cujus rei testimonium et securitatem presentem cartam sigilli nostri impressione duximus roborandam Testibus []